Shillong, Nailur 12
Ka Madan S&CC bad ka Umrynjah SC ki la khur ïa ka jingjop ha ka lympung ïalehkai SSA U-20 4th Division Football League 2023 ha ka sngi Ba-ar ha madan Polo.
Ha ka jingïakhun kaba nyngkong, ka Madan ka la pynliem noh ïa ka Mawlynrei SC da 3-1 kol. U PherManbha Lyngdoh u la thep ar kol ha ka minit kaba 29 & 52 bad ïa kawei pat la thep da u Arbandelness Khongsngi (57). Na ka Mawlynrei la thep da u Justin Marboh (35).
Haba phai sha kawei pat ka jingïakhun, ka Umrynjah SC ka la jop da 2-1 kol ïa ka Dilingiem YSCWA. Ka Dilingiem ka la pynkhih jar nyngkong eh lyngba u Rijoylang Syiemlieh ha ka minit kaba 18, hynrei ka Umrynjah ka la lah ban pynphai kylla ar kol lyngba u Keeperstar Lyngdoh (44) bad u Banteilang Kharsngi (50).
Kane ka lympung kan bteng biang ha ka sngi Balang ha kaba ka Mawphlang SC kan ïakhun pyrshah ïa ka Kharang SC ha ka por 3:15, katba ka Mawreng SC ïa ka Laitumkhrah SC ha ka por 4:45 janmiet.
