Shillong, Nailur 12
U ”rangïalehkai Gymnastic ka India u Rakesh Patra u la ïeng ban ïaleh pyrshah ïa ka Indian Olympic Association (IOA) lem bad ka Sports Authority of India (SAI) hadien ba um shym la shah kynthup hapoh ka kynhun ïalehkai gymnastics jong ka ri na ka bynta ka Asian Games wat la u la ïoh rung sha kane ka lympung.
U Patra ha ka sngi U Blei u la duh da ka said ban khur ïa ka takma rnong ha ka final jong ka FIG World Challenge Cup kaba la long ha Hungary da kaba ïoh 0.167 point.
Ka jingbym shah kynthup u Rakesh Patra hapoh ka kynhun ïalehkai na ka bynta ka Asian Games ka la mih ki jingkynthoh wt u la lah ban ïalehkai bha na ka bynta ban jam sha kane ka lympung. Te kumta u Patra khlem da sngp jar, u la kynthoh ha ka sla X (kaba la tip mynshwa kum ka Twitter), ban pynpaw ïa ka shithi ïa kaba u la phah sha u Director-General jong ka SAI, ka Gymnas-tics Federation of India (GFI) bad sha u Myntri Rangbahduh ka ri halor ka jingbym shah kynthup hapoh ka kynhun ïalehkai ka ri.
“Ka kyrteng jong ngi kam shym la don hapoh ka thup jong ka kynhun ïalehkai Gymnastics jong ka ri bad ym shym la ai kano kano ka daw halor kano ka bynta. Kane ka long ka bym shong hok pyrshah ïa ka Gymnastics ha India bad ngi la trei shitom ban ïalehkai bha,” u la pynpaw lyngba ka shithi ba la phah da u Patra da kaba kynnoh ba kan long kum ka jingshet kylla ïa ka kynhun ïalehkai Gymnastic ka ban mihkhmat ïa ka ri India sha ka Asian Games’.
Shuh shuh u Patra u la pynpaw halor ka shithi kaba la wan na ka Gymnastics Federation of India (GFI) kaba la bun jingkylli halor ka jingshah weng kawei na ki nongïalehkai gymnastic ka Dipa Karmakar na ka kynhun ïalehkai jong ka Asian Games.
Ka shithi kaba la wan lyngba ka GFI ka la pynpaw ba ka Karmakar lem bad kiwei ki nongïalehkai kham hashwa ki la lah ban pynbeit halor ki jingdonkam na ka bynta ka jingïashim bynta ha ka Asian Games, kaba long kat kum ki kyndon ba la buh da ka tnat ïalehkai jong ka Sorkar pdeng. Hynrei na ka liang ka synjuk ïalehkai kam shym la ïohpdiang ka ban pynpaw halor ka jingshah weng ka Dipa na ka kynhun ïalehkai.
