Shillong, Nailur 12
Ki hynriew wiket ba la khur da ka Senggamchi N. Sangma ki la biang pura ïa ka East Garo Hills District Cricket Associa -tion ban khur ïa ka jingjop ha ka jingïalehkai kaba khatduh jong ka U-19 Girls Inter District Cricket Tournament ba la pynïaid da ka Meghalaya Cricket Association pyrshah ïa ka South Garo Hills DCA.
Ka Senggamchi ka la khur 6/10 ha ki 5 over ha kaba ka EGH ka la lah ban kamai 51 run ha ki Zone 2 ha Salpara, North Garo Hills. Kumba ka paw ka SGH ka la ïoh ban bat ïa ka kyrdan ba hakhlieh hadien ba ka la jop ar sien ha ki jingïalehkai ba la lah, katba ka EGH ka la shah rem ar sien ha ki jingïalehkai ba la lah.
Haba phai sha kane ka jingïakhun, ka EGH kaba la jop ïa ka kynting pisa ka la shah pynkyllem baroh ki nongtied bad kamai 51 run. ka Kambesa A. Sangma ka la long ka nongtied kaba la ioh bun da kaba ka la kamai 16 run. Katbak ki nongka-wang bol ka liang pyrshah kiba la khur wiket ki long ka Rikmanchi M. Sangma (4/8), Marme M Sangma (3/17), Dian-chidora N Sangma (2/13) bad ka Srijana Chetry (1/4).
Haba wan shimti ia ka pali kaba ar, ka SGH ka la shah pynkhyllem baroh ki nongtied bad kamai tang 41 run. Ka Senggamchi ka la khur 6 wiket, katba kiwei ki la iarap ban noh synñiang ki long ka Kambesa (2/6) bad ka Silkamchi Marak (2/13).
Haba phai sha kawei pat ka jingiakhun jong ka Zone 1 (Group-A), ka Ri-Bhoi DCA kaba la jop ia ka kynting pisa, ka la shimti ban kawang bol ha kaba ka la ioh ban kawang tang 16.3 over hashwa ban shah pynthud ha u slap. Ha kum katei ka por ka East Khasi Hills CA ka la lah ban kamai 54/3.
Ka jingiakhun semi final kaba nyngkong kan long ha ka sngi Palei hapdeng ka Ri-Bhoi bad ka South Garo Hills. Ha ka sngi Thohdieng yn bud sa ka jingiakhun semi final kaba ar hapdeng ka Shillong Cricket Asso-ciation (ba wan a ka kyrdan ba hakhlieh ha ka Zone 1 Group-B) bad ka Tura DCA (kaba wan ba-ar ha ka Zone 2).
