Shillong, Nailur 12
Ka Meghalaya Carrom Association (MCA) kan pynlong ïa ka lympung ïakob siat carrom ba la tip kum ka 21st Meghalaya Open Carrom Championship (State Ranking Tournament 2023) ka ban long ha Jaiaw Laitdom Dorball Hall naduh 27 haduh 30 tarik mynta u bnai.
Ha kane ka jingïakob kin don haduh hynriew tylli ki kyrdan ïalehkai kiba kynthup ïa ka Team events, Men’s single, Women’s single, , Veteran’s single, Junior’s Boys and girls bad ka Mens Doubles.
Ka bai pynrung kyrteng ïa ki nongïalehkai kan long T.20 marwei bad T. 100 na ka bynta kawei ka kynhun.
Ka MCA ka la khot sngewbha ruh ïa ki kynhun nabar jylla ki ban ïashim bynta ha ki jingïakob para marwei bad ruh ïa ki samla pule kiba ha ka rta kaba 18 ba ki lah ban wan ïashim bynta hadien ba ki la wai klas kata 4 baje shaneng.
Mynta u snem ka MCA ka la sdang ruh ban pynkhie im biang ïa kane ka jingïalehkai ha ki jaka pule da kaba khot sngewbha ïa ki kynhun na ki shlem treikam bapher bapher ba kin phah ïa ki kynhun ïalehkai sha katei ka lympung. Kane ka long katkum ka kyrwoh na u General Secretary ka MCA u Bah F. Nongkynrih bad ïa ki jingtip ba kham bniah ki lah ban phone ha kine number 9402190429, 8414093939 & 8119864986.
