Shillong, Nailur 12
Ka kynhun ïalehkai basketball ka ri kan pynkhreh ban ïashim bynta ha ka lympung ïalehkai FIBA U-16 Asian Champion-ship 2023 ka ban long ha Doha, Qatar naduh 17 haduh 24 tarik mynta u bnai.
Nalor ka India, kiwei pat ki ri ki ban ïashim bynta ki long ka Australia, Bahrain, China, Iran, Japan, Jordan, Kazakhstan, Korea, Lebanon, Malaysia, New Zealand, Philippines, Qatar, Saudi Arabia bad ka Sri Lanka.
Ka kynhun ki rangïalehkai U-16 ka ri hapoh ka jingïalam u Ram Kumar kum u coach, ka la don ha ka Group-A ryngkat ka Australia, Lebanon bad ka Sri Lanka.
Ki rangïalehkai ki ban mihkhmat sha katei ka lympung ki long u Adavan Chelllam Kumarr-san, Jins Kalayl Joby, Ankush, Kailash Bishnoi, Aryan Shar -ma, Lavish (kapten), Mitthul Vel Dhana-sekar, Lokesh kumar Sharma, Jagmeet Singh, Tajinderbir Singh, Harjeet Singh bad u Mohit Jogchand.
Ha kane ka lympung u General Secretary ka Meghalaya Basketball Association u Bah Donald Steven Wahlang u la shah jied kum u team manager.
Kane ka FIBA U-16 Asian Championship ka ban long ha Doha, Qatar kan long kum ka lympung ïaknieh rung sha ka FIBA U-17 Basketball World Cup ka ban long ha Turkey naduh 29 tarik u Jylliew haduh 7tarik u Naitung 2024.
