ABK
Nongstoiñ, West Khasi Hills District
Hadien ka jingbuddien jong ka seng HYC, West Khasi Hills District la lap ïa ka jing-leh shiliang ka office District Rural Development Agency (DRDA) Nongstoiñ, ha ka rukom jied ïa ki candidates na bynta ka post Technical Assistant (TA) kumba la paw shynna ha ki lad pathai khubor/social media. Nalor kane shuh shuh la suba jur ruh ba la don ka jingthung kam sop-sop da u politician ia ki briew lajong sa ha kawei pat ka office sorkar ha Nongstoiñ kata ka Meghalaya New & Renewable Energy Development Agency (MNREDA) Nongstoiñ Branch Office, ha ka post Project Officer khlem da pyllait satia ïa ka advertisement, khlem da pynleh ïa ka examine lane interview. Kane ka jingleh donbor bad jingleh shiliang ka la pynduh mynsiem bad pynduh jingkyrmen ïa ki samla wad kam wad jam. Kumta la kyrpad ïa ki seng bhalang bad kumjuh ïa ki RTI Activists ba phin sngewbha ban ïa buddien lem ïa kane ka bynta bad ban kyndang shi syndon ïa ki briew ba la dep thung khlem da map ïano ïano ruh khnang ba kane kan long kum ka jingsneng khamtam ïa kito kiba ju mlien ban pynrung kam sop-sop da ki briew lajong.
