Shillong, Nailur 12
Ka Meghalaya Athletics Association kan pynlong ïa ka prokram jied nongïalehkai ki ban mihkhmat ïa ka Jylla sha ka 34th East Zone Junior Athletic Championship 2023, ha ka 16 tarik mynta u bnai naduh ka por 7 baje mynstep ha SAI, STC, Shillong.
Kat kum ka kyrwoh ba la pyllait da u General Secretary katei ka synjuk u Bah F.L Pariat u la kyntu ïa ki nongïashim bynta ba ki dei ban wanrah la ki jong ki tiar ïalehkai ryngkat bad ka bam.
Ha katei ka prokram yn phiah ha ki saw tylli ki kyrdan ïalehkai kata ka U-14 (kiba la kha hapdeng ka 16-10-2009 haduh 15-10-2011), U-16 (kiba la kha hapdeng ka 16-10-2007 hadu 15-10-2009), U-18 (kiba la kha hapdeng ka 16-10-2005 haduh 15-10-2007) bad ka U-20 (kiba la kha hapdeng ka 16-10-2003 haduh 15-10-2005). Ia ki jingtip kiba bniah ki lah ban phone ha ki number 9856041365 & 7005421045.
