Cairo, Nailur:
Ha kane ka khubor la ong ba ha ka Sngi Ba-ar, ki kynhun iarap ki la ioh sei da ki spah tylli ki met iap katba ki dang tih bad khyllie ia ki jaka them ba shah tap khyndew bad tap ktieh ha ki bynta mihngi jong ka nongbah Derna hapoh Libya bad la ioh jingtip ba ki don kumba 10,000 ngut kiba dang jah rngai naduh ba katei ka thaiñ ka shah lynshop ha ka jingshlei um kaba wan jia namar ka jingtwa jong ki dam bad kaba la leit tuid sha ki nongbah ba marjan jong kitei ki dam.
Ki don ruh kumba 700 tylli ki metiap ba la ioh ban tep tad haduh jong katei ka step Sngi Ba-ar. Ka tnat ka koit ka khiah jong ka Derna ka la pyntip ruh ba ka jingdon kiba khlad na katei ka jingshlei um ha Libya ka la kot ia ka 2,300 tam.
