Shillong, Nailur 13
U nongrah nar ka Jylla, u Javed Sohtun u la shah jied ban leit ïashim bynta ha ka rynsan ïakob rah nar ne ka National Cham-pionship ka ban long ha Bangalore ban pynïaid da ka International Powerlifting Federation (IPF) ha ka 16 tarik u Risaw mynta u snem.
Kane ka la wan urlong hadien ba utei u nongrah nar na Lumparing bad uba ju ïalehkai na ka Meghalaya Power Lifting, u la lah ban khur ïa ka takma ksiar hadien ba u la lah ban pynrem lut baroh ki nongïalehkai ha ka Bench Press (120kg) jong ka 1st State Classic Powerlifing Competition ba la pynïaid da ka Meghalya Powerlifting and Fitness Association ha ka 9 tarik mynta u bnai ha Umsning, Ri Bhoi District.
Dangshen ha u Ïaïong mynta u snem, u Javed u la khur ïa lai tylli ki takma ha ka jingïakob rah nar ba la tip kum ka NPC Junior Senior Open Men Category Power Lifting kaba la long ha Dimapur, Nagaland.
Kine ki kynthup ïa kawei ka takma ksiar ha ka Squat, takma rupa ha ka Bench Press bad ïa ka takma rnong ha ka Deadlift jong ka kyrdan jing-khia 74-83 kilo.
