Gibibi
Kumba shiphew khadsan snem mynshuwa ïa ka thoh, kynthoh bad kynnoh ki briew kim lah ban shah. Ki briew ki thut, ki sngewdom bad kim tieng ban ïa pynphai nia markylliang khamtam lada ki tikna ba ka jingkynthoh kam dei kaba shisha.
Ha kine ki por kiba mynta, ka thoh, kynthoh bad kynnoh ki la nang jur, hynrei ki briew khamtam ki Politician kum ki nongsynshar ki tyngkan bad ïaishah na ka daw ba ym lah shuh ban tip tikna, la kano kano ka thoh, kynthoh, kynnoh ka long ne dei ne em kaba shisha, kumba la dep jia lai ne saw snem mynshuwa shaphang u khaw Plastic. Halor kane ka nongrim, nga ruh nga sngew shlur ban thoh ban batai ïa katei ka phang ba la kdew haneng shaphang ka kyrteng ba India ka mut Bharat katkum ka Constitution (India, that is Bharat).
Ha kine ki sngi ka jingpyrshah ka la nangjur nangjur bad ka la ktik ruh ïa nga ban pyrkhat la ka long ne em ka biang ban jer kyrteng bad thoh officially “Government of Meghalaya” namar kane ruh kam dei ka kyrteng Trai Ri hynrei ka long kumba shu shim wai da ka kyrteng Nongwei. Ngam kubur ba kane ka jingsngew jong-nga ka long kaba dei biang.
Hynrei nga kwah ki Nongpule kin ïa shim bynta lem, batai bad pynshai (share, subscribe and Comment) lyngba ka kot khubor, namar officially la pynkhreh ban jer kyrteng noh “Government of Bharat’ namar ka kyrteng India ka long kaba la shu jer da ka hima Bilat kaba mut ïa ka Indian Subcontinent.
