New Delhi, Nailur:
Katkum ki khubor, la ong ba ka kompeni ‘marketing’ kaba heh bad paw nam bha ka ‘Amzaon’, ka la pynbna ban nym shim shuh ia ki lut T.2000 haba iadei bad ka jingsiew ha ka rukom jong ka ‘Cash on Delivery’ naduh ka tarik ba la buh; kata ka 19 tarik u Nailur 2023. Kane ka jingpynbna na katei ka kompeni ka long hadien ba la ïohsngew ia ki khubor ba ka jingleit kylliang bad jingpynkylla noh ia ka lud T.2000 kan ym treikam shuh.
Hynrei, kane ka jingleit kylliang bad jingleit thep ia ki lut T.2000 kan dang plie lad ia ki riew paidbah tad haduh ka 30 tarik u Nailur.
Ia mynta hi, ka Amazon ka dang pdiang beit ia kitei ki lut T.2000 katba ki paidbah ki ai ha ka por ba leit pynpoi ia ki tiar sha ki iing bad ki jaka ba la ioh order. Hynrei kane kan ym treikam shuh naduh ka 19 tarik jong une u Nailur bad kumta ki paidbah kin hap ban siew da kiwei pat ki rukom lane da ki lut T.100, T.200, T.500 bad kumta ter-ter. Lane ki lah ruh ban shu siew ba kaba pyndonkam ia ki rukom siew Online kumba ju leh ha kine ki sngi ba mynta.
Kane ka long ruh naduh ba ka Sorkar India ka la pynbna ban khang bad pynduh noh ia ki lut T.2000 kumba ju leh ha ki snem ba la leit, kum shi bynta ban tehlakam ia ka jingbamsap hapoh ka ri.
