Islamabad, Nailur:
Namar ka jinghiar ha ka ioh ka kot, ka Pakistan ha ka Sngi Thohdieng ka la pynbna ba la pynkiew biang ia ka dor jong ka umphniang kali petrol bad diesel. Ia kane ka rai la shim hadien ka jingkiew dor jong ka umphniang kali wat ha ka iew shabar ri ne International.
Kumta, la ong ba ka sorkar Pakistan ka la pynkiew dor ia ka umphniang petrol sa PKR. 26.02 tyngka shi litre bad ka diesel pat la pynkiew sa 17.34 tyngka shi litre. Da kane, ka dor jong ka umphniang petrol ha Pakistan haduh kane ka kynti ka la poi haduh PKR 333.38 tyngka shi litre bad ka diesel pat ha ka dor PKR 329.18 tyngka shi litre.
