Khliehriat, Nailur:
Na ka bynta ka bha ka miat bad jingmyntoi jong ki paidbah bad ruh ban khanglad ïa ka jingkiew dor ki mar ki mata ha ki ïew ki hat bad ka jingpynkylla dor khlem ka jingïoh jingbit, u Deputy Commissioner (Supply), East Jaiñtia Hills District, Khliehriat, u la bthah ïa baroh ki nongkhaïi, ki dukan ban pyni ïa ki dor ki mar ki mata da kaba buh ïa ka ‘Price List Board’ jong ki mar ba ki don hapoh ki dukan.
Kine ki dor ki long kiba shai bad ïa kane ka ‘Price List Board’ dei ban buh ha ka jaka ban ïohi ki paidbah ba wan thied wan pet bad lada don ki bym bud ïa kane, yn pynshitom katkum ka aiñ Consumer Protection Act, 2019.
