Khliehriat, Nailur 21
Ka Bataw YWSC ka la khur jingjop, katba ka Rymbai Pohskur SC bad ka Chiehruphi SYWSC ki la ïakhaid ha ka lympung ïalehkai 1st Division Football Tournament ba la pynïaid da ka East Jaiñtia Hills District Football Association.
Ïa kane ka lympung la pynlong ha madan Artificial Turf kaba don ha Diengshynrum, Khliehriat ha ka sngi Palei.
Ha ka jingïakhun kaba nyngkong, ka Rymbai Pohskur SC bad ka Chiehruphi SYWSC ki la ïakhaid da mar 1-1 kol. Ïa ka kol jong ka Rymbai Pohskur la thep da u Lamphrang Dkhar ha ka minit kaba 44, hynrei ka Chiehruphi ka la pynphai kylla lyngba u Sao Bareh ha ka minit kaba 71.
Haba phai sha ka jingïakhun kaba bud, ka Bataw YWSC ka la pynliem ïa ka Lumputhoi SC da 2-0 kol. Ïa kine la thep da u Seibor Suchiang ha ka minit kaba 62 bad u Marbudki Suchiang ha ka minit kaba 85.
