Saipung, Nailur 21
Ka lympung ïalehkai 1st Division Football Tournament ba la pynïaid da ka Saipung Block Sports Association (SBSA) ka la jam shaphrang ha madan Lamyrsiang.
Ha ka jingïakhun kaba la long ha ka sngi Palei, ka Lelad SC ka la pynliem ïa ka Mokhain SC da 2-1 kol. Ïa ki kol jong ka Lelad la thep da u Pynskhem Dhar ha ka minit kaba 31 bad u Me-e Rupon ha ka minit kaba 53. Katba ka Mokhain ka la ïoh ei shi kol na ka daw ka jingbakla thep hi da uwei na ki rangïalehkai ka Lelad.
Ha ka jingïakhun kaba bud, ka Pala SC la pynliem ïa ka Risingstar FC da 3-0. Ïa kine la thep da u Chipson Dkhar haka minit kaba 9, Seven Pakem (18) bad u Bren Dkhar (42).
Ha ka jingïakhun kaba khatduh, ka Daistong SC ka la pynliem ïa ka Sohïong FC lyngba ka shi kol ba la thep da u Dame Tariang ha ka minit kaba 60.
