Shillong, Nailur 22
Ki jingïalehkai jong baroh ar tylli ha ka U-19 Boys Inter District Cricket Tournament ba la pynïaid da ka Meghalaya Cricket Association la hap ban pynsangeh na ka daw ka jingshah pynthut ha u slap ha ka sngi Thohdieng.
Ka Shillong Cricket Association A bad ka Ri-Bhoi District Cricket Association kim shym la ïoh ban kawang bol lane ban tied ha ka jingïakhun jong ka Zone 1 (Group-A) kaba la thmu ban long ha madan Umbuda, Nong-poh hynne ka sngi.
Hynrei ha ka jingïalehkai jong ka Zone 2, ka North Garo Hills DCA ka la kynjoh 90 run bad shah pynhap 4 wiket ha ki in 14 over ha ka por kan shah pynthud noh ha u slap.
U Rituraj u la tied 24 run na ki 17 bol bad u Sillang R. Marak u la tied 21 run na ki 26 run. Katba u Silgar M. Sangma (2/24) u la khur ar wiket, katba ïa ki shi wiket la khur da u Chengsrang S. Marak (1/5) bad u Salchang Sangma (1/19).
Ka jingïalehkai ha ka sngi Saitjaiñ ha ka Zone 1 (Group-A) kan long hapdeng ka SCA-B pyrshah ïa ka East Jaiñtia Hills DCA, katba ka East Garo Hills DCA ïa ka Tura DCA ha ka Zone 2.
