New Delhi, Nailur:
Ha ka sien ba nyngkong, la ong ba ka tnat shipai duriaw jong ka India, Australia bad ka Indonesia ki la iatrei lang ban pynkilan ia la ki shipai kum shi bynta ban ai jingkyrshan markylliang haba iadei bad ka jingwanrah ia ka shongsuk- shongsaiñ hapdeng kitei lai tylli ki ri.
Haba pynbna shaphang ka jingiadon bynta lang jong ka tnat shipai duriaw ka India ha ka jing pynkilan jong kitei kiwei pat ki ri ba marjan, la ong ba ka India ka dap da ka jingsngewkmen ban ioh ban iadon bynta lem ha kum katei ka jing pyntbit bad jing pynkilan ban ioh iatrei lang ruh bad ki tnat shipai jong kitei ki ri.
Kane ka jingpynkilan ka long ruh ka kabu ksiar ban pynskhem ia ka jingiadei hapdeng kine lai tylli ri bad ban pynthikna ia ka shongsuk- shongsaiñ hapoh kine ki ri. Kumta ruh la ong ba baroh 3 tylli ki ri ki don ia ka jingthmu ban pynkhlaiñ ia ki jing-iada bad jingiatrei lang ha ka Indo-Pacific.
