Shillong, Nailur 24
Ka Iatyllilang Sports Club bad ka Lumpyngngad Sports Club ki la khur ïa ka jingjop ha ki jingïalehkai jong ka lympung SSA U-20 4th Division Football League 2023, kaba la pynlong ha madan 3rd Ground MFA Turf Polo ha ka sngi Saitjaiñ.
Haba phai sha ka jingïalehkai kaba nyngkong ba la pynlong ha ka por 5 baje janmiet, ka Iatyllilang SC ka la lah ban pynliem noh ïa ka Laitlulong Sports Club da 2-1 kol. Ïa ki kol jong ka Iatyllilang la ïoh ban khyrwit da u Diches Roy Kurkalang ha ka minit ba 29 bad u Ityllibor Mynsong ha ka minit ba 70. Katba ïa ka shi kol jong ka Laitlulong SC la thep da u Lapbiang Jana ha ka minit ba 59.
Haba phai sha ka jingïalehkai kaba ar kaba la long ha ka por 6.30 janmiet, ka Lumpyngngad Sports Club ka la lah ban pynliem noh ïa ka Lamlynti Sports Club da 3-1 kol. Ïa ki kol jong ka Lumpyngngad la ïoh ban khyrwit da u Albert Rynjah ha ka minit ba 14 bad 22 bad u Roby Daimary ha ka minit ba 51 bad ïa ka shi kol jong ka Lamlynti la thep da u Pynche Kyllait ha ka minit ba 40.
Ki jingïalehkai ban long ha ka sngi Nyngkong ka 25 tarik pat ha kane ka lympung, kan long hapdeng ka Umsohsun Sports Club pyrshah ïa ka Mawklot Sports Club ha ka por 5.30 janmiet.
