Shillong, Nailur 24
Ka kynhun ïalehkai table tennis jong ka Meghalaya ka la ïoh ban khur takma rupa bad rnong ha ka lympung ïalehkai 2nd NE Masters Table Tennis Cham -pionships kaba la long ha Silchar naduh 21 haduh 23 tarik mynta u bnai.
Haba phai sha ki jing-ïakhun kiba ka Meghalaya ka la khur takma, kata ka long ha ka 40+ Team Event, u R Shabong, J Nongbri, Amit Gupta bad S Gareri ki la khur takma rnong.
Ha ka 60+ Team Event, u Santanu Ghosh, N Bhattacharjee, RB Das, H Singha bad R Biswa-karma ki la ïoh khur ïa ka takma rupa.
Haba phai sha ka Individual 60+ Singles, u Santanu Ghosh u la khur takma rupa bad ruh ha ka 60+ Doubles u Santanu Ghosh bad N Bhattacha-rjee ki la khur ïa ka takma rupa.
Ïa kane ka lympung la pynlong da ka Silchar Masters Table Tennis Association ha India Club Indoor Stadium ha Tarapur Silchar.
Nalor kane, haba phai ha ka 40+ Men Doubles, u Rituraj Shabong bad u Amit Gupta ki la khur ka takma rnong bad ha ka 60+ Men pat ba u RB Das bad u Harendra Singha ki la khur takma rnong.
