Shillong, Nailur 24
Ka jinglah jong u Lens-birth N Marak ban tied marwei haduh 41 run, ka la pynlong ïa ka East Garo Hills District Cricket Association ban jop da 12 run ha ka jingïakhun pyrshah ïa ka Tura DCA ha ka Zone 2 jong ka Meg-halaya Cricket Associa-tion’s U-19 Boys Inter District Cricket Tournament kaba la long ha ka sngi Saitjaiñ.
Katba ka jingïalehkai ba la pynlong ha Umbuda, Nongpoh pat ka la wanrah jingdiaw mynsiem ha ki nongpynïaid namar hapdeng ka jinglah ban ïaleh-kai bha jong ki ar liang mamla, kata ka East Jaiñtia Hills DCA bad ka Shillong Cricket Associa-tion B, ka la shah pynthut noh ha u slap bad ha kane ka jingïakhun ha ka Zone 1 Group A match ym shim la ïoh ïa ka resol.
Ha ka jingïakhun ka Zone 2, ïa ka jingïalehkai la pynduna noh sha 10 over, hynrei kane ka jing-ïakhun ka la ïaid beit khamtam haba la sakhi ba ki jingïakhun ar tylli kiba shakhmat ki la shah pynthut noh ha ka mariang ha Salpara, Mendipathar.
Ha kane ka sngi, la sakhi ba ka EGH ka la tied nyngkong bad ka la kamai tang 57 run bad hap 7 wiket. U Lensbirth marwei u la tied 41 run na 30 bol bad kane ka jingkamai run ka jong u ka la long kaba kongsan bha ha kaba kiwei pat ki para nongïalehkai kim shym la lah ban kamai bun run eiei.
Ki nongkawang bol ka Tura, kiba kynthup ïa u Fernando Barbaryo M Sangma u la khur 2 wiket bad ai tang 4 run, u Lensbirth uba la tied 41 run u la ïoh ïa ka khusnam ‘Player of the Match’.
Ka Tura kaba la tied baar kala lah ban kamai tang 45 run bad hap 6 wiket ha ka 10 over. U Harshit Prasad u la tied 14 run, u Jeristho u la khur 2 wiket bad ai 7 run bad u Paisal Ali u la khur 2 wiket bad ai 13 run.
Ha kawei pat ka jing-iakhun, ka EJH kaba la tied 9 run ha ka shi over, ka la kamai 271 run bad hap 8 wiket na ki 30 over.
U Amarjeet Gupta u la tied 56 run na ki 61 tylli ki bol bad u Jeffre Chyr-mang u la tied 38 run na ki 30 tylli ki bol.
Nalor kane u Lucky-star Dhar u la tied 56 run na ki 49 tylli ki bol bad u Peterson Sangma u la tied 40 run na ki 18 tylli ki bol, katba na ki nongkawang ball u Bishes Chetri jong ka SCA-B u la khur 2 wiket bad ai 27 run.
Watla ka jingkamai run ka EJH kala long kaba heh bha, hynrei ki nongtied jong ka SCA-B ha shwa ban wan pynthut noh u slap, ki la lah ban kamai 46 run na ka 5.3 over.
U Shubham Rasaily u la tied 33 run na ki 23 tylli ki bol bad u Manthan Dey u la tied 9 run na ki 10 tylli ki bol bad kine ki nongtied kim pat shym la duh ïa la ka jong ka wiket.
Ka jingïakhun ha ka lah sngi u Blei kan long hapdeng ka West Khasi Hills DCA pyrshah ïa ka West Jaiñtia Hills DCA ha ka Zone 1 Group B.
