Shillong, Nailur 25
Ka India ka la lah ban pynpaw ïa ka jingtbit ha ka sngi kaba ar jong ka Asian Games 2023 ha kaba ka la lah ban khur ar tylli ki takma ksiar ha Hangzhou, China.
Kane ka la wan urlong lyngba ka kynhun ki ‘thei ïalehkai kriket hadien ba ka India ka la lah ban pynliem noh ïa ka Sri Lanka da 19 run ha ka jingïakhun final. Kumjuh ka kynhun ki nongsiat suloi ka ri ka la khur ïa ka takma ksiar ha ka 10m men’s air rifle lyngba u Rudrankksh Patil, Aishwary Pratap Singh Tomar bad u Divyansh Singh Panwar.
Nalor ki takma ksiar, ka India ka la khur ruh ïa lai tylli ki takma rupa bad hynriew tylli ki takma rnong. Haba phai sha kiwei pat ki jingïalehkai kiba dang ïaid mynta shakhmat bad la khmih lynti ba ka India kan lah ban ïai bteng khur takma.
