Shillong, Nailur 25
Ka Megha Health Insurance Scheme (MHIS), kaba dei ka Nodal Agency kaba pyntreikam ïa ka skhim Ayushman Bharat Pradhan Mantri Jan Arogya Yojana (ABPM-JAY) ha Meghalaya, ka la ïoh pdiang ar tylli ki khusnam kum ka jingithuh halor ka jingtreikam bha ha ka jingïalang jong ka ‘Arogya Manthan 2023’ kaba ar sngi ba la pynlong da ka National Health Authority jong ka Sorkar India, ha New Delhi ha ka 25-26 tarik u Nailur.
Ka ‘Arogya Manthan 2023’ ka dei ka jingïalang kaba kyrpang ban rakhe ïa ka jingdap 5 snem jong ka jingïaid lynti ka ABPM-JAY prokram, kaba la ïaid shakhmat bha ha ka ban pynbiang ïa ka jingai jingsumar ï ki million ngut ki nongïoh jingmyntoi naduh ba la sdang ïa ka ha ka 23 tarik u Nailur 2018.
Ka State Nodal Agency Meghalaya ka la ïoh ïa ka khusnam Best Performing State na ka bynta ki jylla kiba rit kaba kynthup ïa ka Ayushman Utkrishtata Award 2023 for Highest Number of Treatments (Risaw 2022 haduh Nailur 2023) bad ka Ayushman Utkrishtata Award 2023 for Gender Equity in Service Delivery (Risaw 2022 haduh Nailur 2023).
