Khliehriat, Nailur 25
Ka Musniang SC bad ka Rangad SC ki la khur jingjop ha ka lympung ïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA).
Kane ka la wan hadien ba ka Musniang SC ka la pynliem ïa ka Mukhaïalong da 3-1 kol, katba ka Rangad SC ka la pynliem ïa ka Shilliang Umshong SC ha ka jingïakhun kaba la long ha madan Artificial Turf kaba don ha Diengshynrum, Khliehriat ha ka lah sngi U Blei.
Ha ka jingïakhun kaba nyngkong, ka Musniang SC ka la ïoh ban the par kol lyngba u Mardiphone Rymbai ha ka minit kaba 11 & 20 bad u Oneenjoy Dkhar (45+3). Katba ka Mukhaïalong ka la pynphai kylla shi kol lyngba u Bino Phawa (67).
Ha kawei pat ka jingïakhun kaba bud, ka Rangad SC ka la pynliem noh ïa ka Shilliang Umshong SC lyngba ka sh kol ba la thep da u Wingki Dkhar ha ka minit kaba 31.
Ka jingïalehkai ha ka sngi Ba-ar kan long hadpeng ka Synrang Shahkhain SC pyrshah ïa ka Rymbai Pohskur ha ka por 12 baje mynsngi, ka Khliehriat West FC ïa ka Byndihati SC ha ka por 2:30 janmiet.
