Khliehriat, Nailur 26
Ka R. Synrang Shahkhaiñ SC bad ka Byndihati SC ki la khur ïa ka jingjop ha ka lympung ïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA).
Kane ka la wan hadien ba ka la pynliem noh ïa ka Rymbai Pohskur SC da 62 kol ha madan Diengshynrum kaba ha Khliehriat ha ka sngi Ba-ar. Ïa ki kol jong ka R. Synrang Shahkhain la thep ar kol da u Ïaishah Bareh ha ka minit kaba 5 & 71, katba ïa kiwei la pynbud da u Franki Dkhar (42), Emon Nongtdu (43), Ferdinand Nongtdu (85) bad Shanki Dkhar (90+1). Katba ki kol jong ka Rymbai Pohskur la thep da u Chestar Nongtdu (19) bad u Soki Bareh (26).
Haba phai sha kawei pat ka jingïakhun kaba ar, ka Byndihati SC ka la pynliem noh ïa ka Khliehriat West FC lyngba ka shi kol ba la thep da u Enikijuh Shylla ha ka minit kaba 31.
