B. Sari
Ka NPP ka la ïatrei bad ka BJP ha kino kino ki bynta jong ka BJP ba ki kam ki BJP ka la pyntreikam da ka NPP. Ka BJP ka la sdang ban pyntreikam ïa ka aiñ kawei ka niam, kawei ka jaitbynriew, kawei ka ktien, kawei ka Ri bad kawei ka Culture naduh u snem 2001. Ha ka snem 2022 ki Party saiñ hima ki la ïalap Election MLA pyrshah ïa ka nongrim jong ka NPP ba kala ngeit ïa ka jingialam jong ka BJP. Ka Congress ka la ong ba ka seng jong ka ka kynthup bun rong ki syntiew bad ka NPP ka la ong don tang shi rong u syntiew. Bad kiwei dei ki Party ruh ki la ïa pyrshah ïa ka jingthmu jong ka BJP bad ka NPP. Ha ka 2023 ka jingïa canvas election MLA ka long kaba jur bha hapdeng ki Party sain hima kiba pyrshah jur ïa ka jingthmu jong ka NPP. Ha ka por ba ïa canvas election ki seng sengbhalang kum ka HITO ruh ka la pyrshah jur ïa kane ka jingthmu ban pynlong kawei ka niam bad kawei ka jaitbynriew kaba la canvas pyrshah ha Constituency Pynursla. Kumjuh ruh ka la pyrshah ia kane ka jingthmu hapoh Jaintia Hills. Ha ka 2023 ka HITO ka la ïaid paidbah ban pyrshah ïa ka sorkar Meghalaya halor ka thung kam thung jam bad ka sorkar Meghalaya ka la pyneh bad ka la hukum ïa ki pulit ban pynshitom ïa ki.
Ngi dei ban kynmaw ba ka Sorkar Meghalaya ha ka snem 2019 ka la pyrshah jur ïa ka CAB bad ha Tura ka MP jong ka ka la kyrshan jur ïa ka Sorkar Delhi ban pynlong aiñ ïa ka CAB kaba mut kaba ki khar Bangladesh kiba dei ki Hindu ki lah ban wan shapoh India katba ki mon khlem passport tang ba ioh ïa ka kot ba la thoh Hindu. Kane ka la ktah ïa ngi ki Khasi Pnar hapoh Meghalaya bad ka don ka jingma kaba khraw ïa u paid Khasi Pnar.
Ka Sorkar India mynta u snem 2023 ka la thmu ban pynlong aiñ noh ïa ka Uniform Civil Code (UCC) hapoh India baroh kawei ban long tang kawei ka niam, tang kawei ka jaitbynriew, tang kawei ka Ri, tang kawei ka ktien bad tang kawei ka culture. Kane ka la ktah ïa ki Khasi Jaintia ba ka dustur ka riti jong ngi kan duh kan dam noh lada pyntreikam ïa kane ka ain, bad ka khyndew ka shyiap ruh kan duh kan dam. Kumta ngi kum ki paidbah Khasi Jaintia ngi dei ban pyrshah jur ïa kane ka aiñ UCC lada pyntreikam. Ngi dei ban kynmaw ha ka por ba ka Jaiñtia ka la dawa ban ioh ïa ka jingsynshar ïalade hapoh Khasi Jaintia hapoh ki map barim bajah jong ka bad ka Prime Minister Indira Gandhi kala hukum ïa ki pulit Ummulong ban tohkit halor kane ka bynta. Ki pulit ki la ong ka Sorkar India kam ai ïa ka self determination kumba la dawa bad ynda la pyntreikam ïa ka UCC ka Khasi Jaiñtia ka dei ban ioh noh ïa la ka jong ka jingsynshar jong ka Self Determination ban ioh ka Parliament, ka military power, u President bad ka Supreme Court ka jong ka hi hapoh Khasi Jaiñtia ban lait na ka jingshah teh shah khum jong ka aiñ UCC.
Ngi dei ban kynmaw ba ka jingïadei ka NPP bad ka BJP ba ka NPP ka la hukum ïa ka BJP ban weng noh ïa u State President ka BJP na Meghalaya katkum ka Shillong Times Dated 13th Rymphang 2023. Kane ka la pynshisha ba ka jingïatreilang ka BJP bad ka NPP ka la ïasyrdoh lang kawei ka doh kawei ka snam. Haba ka NPP mynta kala thmu ban pyrshah ïa ka UCC bad ka long ka jingma ïa u paidbah Khasi Jaiñtia ban ngeit ïa ka jingïalam ka NPP kaba pynthame ïa ka jingmut jingpyrkhat ïa u paidbah Khasi Pnar. U paidbah Khasi Jaiñtia u dei ban sngewthuh ïa ka jingmut sha lyndet ka NPP.
