Guadalajara, Nailur:
Ki bor pyniaid jong ka Mexico, ha ka Sngi Ba-ar ki la iathuh ba 8 ngut ki la khlad noh bad 2 ngut kiwei pat ki la jah rngai hadien ba u slap uba jur u la ther ha katei ka ri bad wanrah ia ki jingshlei um ha bun tylli ki shnong.
Ia ka met jong kitei kiba khlad la ioh tam na kumba katto katne mer na ka jaka ba ki sah hajan Autlan jong ka phang West ka Jalisco.
Tad haduh jong ka step Sngi Ba-ar, la ioh jingtip ba ki don tang 8 ngut kiba la khlad ha katei ka jingshlei um. Katba ki kynhun iarap ki dang ialeh pat ban wad ia kitei ki 2 ngut kiba dang jah rngai hadien jong katei ka jingjia.
U heh ka Mexico u la iathuh ba ka jingkhlaiñ ban pom dieng bad ka jingpluh ki khlad ha ki khyndiat bnai ba la leit jong une hi u snem, ka la pynlong ia kitei ki bynta ba kham khlaw ba kin long kiba kloi ban shah ktah ha katei ka jingshlei um.
La iathuh ruh ba da ki phew ngut ki briew jong ka kynhun iarap, la phah sha katei ka thaiñ ha kaba kitei ki 2 ngut ki la jah rngai.
Hynrei la ong ba ka Mexico ka ju long ka ri kaba ju shah lynshop khah-khah ha ki bor ka mariang bad khamtam ha ki jingshlei um bad kumjuh ruh ki jait ‘eriong bad ‘ erlangthari bapher ki ju jia na ka por sha ka por.
