Shillong, Nailur 26
Ka East Khasi Hills Volleyball Association kan pynlong ïa ka lympung ïalehkai volleyball ba la tip kum ka East Khasi Hills District Level Volleyball Tournament 2023 ka ban long ha ka sngi Balang ha madan jong ka Jhalupara Village Council, Shillong.
Ïa kane ka lympung yn plie da u Chairmaan ka Meghalaya Tourism Development Corporation Ltd. jong ka Sorkar Jylla u Bah Sanbor Shullai kum u kongsan ha kaba yn ïadon lang ruh u MLA barim ka Mylliem Constituency u Bah Hamletson Dohling bad u District Sports Officer ka East Khasi Hills Bah O. Mawthoh bad kiwei.
Ha kane ka lympung ki don phra tylli ki kynhun ki ban ïashim bynta kiba kynthup ïa ka Gorkha Pathsala HSS, KV Happy Valley, JNV bad ka Pomlum HSS kiba don ha ka Group-A, katba ka St. Anthony’s College, Gorkha Boys, Lawsohtun SC bad ka Sawmer SC kiba don ha ka Group-B.
Ha kane ka sngi sdang, ka KV Happy Valley kan ïakhun nyngkong pyrshah ïa ka JNV ha ka por 12:30 mynsngi, ka St. Anthony’s College ïa ka Lawsohtun SC ha ka por 1:30 bad ka Pomlum ïa ka Gorkha Pathsala ha ka por 2:30 janmiet. Ïa kane ka lympung yn pynkut noh ha ka sngi Saitjaiñ da ka jingïakhun final.
