Shillong, Nailur 27
Ar ngut ki khynnah ïalehkai jong ka Pynshai School Martial Arts, kata u Mewanpynshngaiñ Nongrum bad u Ethan Nongdhar kin mihkhmat ïa ka Jylla sha ka National Kick Boxing ka ban long ha Uttarakhand Kick Boxing Association ha Dehradun naduh 1 tarik haduh 3 tarik u Risaw.
Na ka liang ka Pynshai School Martial Arts ka ai khublei ïa kito baroh kiba la noh synñiang lang ïa kine ki khynnah hashwa ba kin leit shim bynta ha katei ka lympung, kum ïa u MLA ka 19 South Shillong Constituency u Bah Sanbor Shullai, ka Seng Samla Lumparing bad kumjuh ïa ki riew shimet.
Na ka liang ki Seng Samla ki la ai ka jingkibok kitrwiang ruh ïa kine ki khynnah hashwa ba kin mih na ka Jylla bad kumjuh ki la ai khublei ïa u samla Pynshai Mawrie uba long u nongpynhikai jong katei ka shlem ai jinghikai.
