Shillong, Nailur 27
Ka St. Anthony’s College, Gorkha School, 4Mile Boys bad ka Gorkha ki la khur jingjop ha kaba sdang ïa ka lympung ïalehkai East Khasi Hills District Level Volleyball Tournament 2023 ba la pynlong da ka East Khasi Hills Volleyball Association ha ka sngi Balang ha madan jong ka Jhalupara Village Council, Shillong.
Ïa kane ka lympung la wan ban plie da u Chairman ka Meghalaya Tourism Development Corporation Ltd. jong ka Sorkar Jylla, u Bah Sanbor Shullai kum u kongsan ha ka jingïadon lang ruh u MLA barim ka Mylliem Constituency u Bah Hamletson Dohling bad u District Sports Officer ka East Khasi Hills Bah O. Mawthoh lem bad ki dkhot katei ka synjuk.
Ha kane ka lympung la wan shim bynta da ki kynhun ïalehkai bapher bapher kane ka nongbah.
Ha ka jingïakhun jong ki kynthei, ka Gorkha Patshala ka la shah rem noh ha ka St Anthony’s College, ktba ka Gorkha School ka la jop ïa ka Lawsohtun. Ha ka jingïakhun jong ki shynrang, ka KV ka la jop ia ka JNV, ka Gorkha Boys ka la shah rem noh ha ka 4Mile Boys bad ka Gorkha ka la jop ïa ka skul Pomlum.
