Khliehriat, Nailur 28
Ka Mukhaialong SC bad Shilliang Umshong SC ki la khur ïa ka jingjop ha ka lympung ïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA).
Ha ka jingïakhun kaba nyngkong kaba la long ha madan Artidicial Turf kaba don ha Diengshynrum, Khliehriat ha ka sngi Palei, ka Mukhaïalong SC ka la pynliem da 2-1 kol ïa ka Ladrymbai B.SC.
Tang mar ïasdang ka Ladrymbai BSC ka la ïoh ban pynkhih jar nyngkong eh ha ka minit kaba 4 lyngba u Kiarmi Suiam. Hadien shiteng kynta ka Mukhaïalong ka la lah ban pynïakhaid kylla na ka daw ka jingbakla thep hi uwei na ki rangïalehkai ka Ladrymbai u Samkut Shylla ha ka minit kaba 31. Kane ka kynhun ka la pynbud biang ïa ka kol kaba ar lyngba u Bino Phawa ha ka minit kaba 38 na ka bynta ban khur syndon ïa ka jingjop.
Ha kawei pat ka jingïakhun kaba ar, ka Shilliang Umshong SC ka la pynliem noh ïa ka Tpepswer SSWO lyngba ka shi kol ba la thep lyngba ka penalty da u Perforce Ksih ha ka minit kaba 72.
