Jowai, Nailur 28
Ka Mooknor Thadmuthlong ka long sa kawei pat ka kynhun kaba la rung sha ka final jong ka lympung ïalehkai 2nd Division Football Tour-nament na ka bynta ka 6th Debo Shullai Memorial Trophy ba la pynïaid da ka West Jaiñtia District Sports Association (WJDSA).
Kane ka la wan hadien ba ka Mooknor Thadmu-thlong ka la pynliem noh ïa ka Shnangpung Khlieh-muchut da 2-1 kol ha ka semi-final kaba ar kaba la long ha Kiang Nangbah Stadium kaba don ha Ladthadlaboh, Jowai ha ka sngi Palei.
Ha kane ka jingïakhun ka Shangpung Khliehmu-chut ka la ïoh ban pynkhih jar nyngkong ha ka minit kaba 6 lyngba u A. Lamare, katba ïa ki kol jong ka Mooknor Thadmu -thlong la thep da u Ïohi Dhar ha ka minit kaba 30 bad u Rimiki Suchiang ha ka minit kaba 73 na ka bynta ban khur syndon ïa ka jingjop.
Ha ka jingïakhun semi final kaba nynkong ha ka sngi Balang, ka Chutwa-khu ka la pynliem noh ïa ka Lion lyngba ka shi kol ba la thep da u lyngba u Luckyness Khyriem ha ka minit kaba 32.
Te kumta ka Mooknor Thadmuthlong kan ïa-knieh ïa ka nam lahduh pyrshah ïa ka Chutwakhu ha ka 2 tarik u Risaw ha ka por 1 baje nohphai sngi.
