Shillong, Nailur 29
Ka Mawpdang SC ka la wanphai ban pynliem noh ïa ka Lamlynti FC na Sohïong da 2-1 kol ha ka lympung ïalehkai SSA U-20 4th Division Football League 2023 ha ka sngi Thohdieng ha madan Third Ground, Polo.
Ha kane ka jingïakhun baroh ar ki kynhun ki la pyrshang ban ïakhun tyngeh naduh kaba sdang. Ka Lamlynti ka la pynkhih jar nyngkong eh lyngba u Ksankupar Khongngaiñ ha ka minit kaba 12. Hadien shiteng kynta ka Mawpdang ka la lah ban pynphai kylla lyngba u Garywell Syiem ha ka minit kaba 38 na ka bynta ban ïakhaid mar shi kol haduh kaba kut jong ka kylla step.
Hadien katto katne por bal ka bteng biang ïa ka jingïakhun jong ka kylla miet, ka Mawpdang ka la thep biang ïa ka kol kaba ar ha ka minit kaba 60 lyngba u Hamekordor Mylliem. Haduh kaba kut ka Lamlynti kam shym la lah shuh ban pynphai bad ka la mad ïa ka jingshah rem.
Ka jingïalehkai kaba khatduh kan long ha ka sngi Saitjaiñ kan long hapdeng ka Laitumkhrah SC pyrshah ïa ka Madanrting SC ha ka por 10 baje mynstep, ka Mawlyngngad SC ïa ka Mawñianglah Youth SC por 11:30, ka Laitlulong SC ïa ka Lamlynti SC por 1:15 mynsngi, ka Diliengiem SSCWA ïa ka Iatylilang SC por 3:15, ka Pomura SC ïa ka Laitkroh SC ha ka por 4:45 bad ka Lummawbah SC ïa ka Umsohsun SC ha ka por 6:15 janmiet.
