Shillong, Nailur 29
Ka kynhun ki ‘thei ïalehkai ka Jylla ka la mih na ka nongbah ban leit ïashim bynta ha ka Junior Girls’ National Football Championship (Tier 2) ka ban long ha Jodhpur kaba ha Rajasthan.
Kane ka kynhun kaba la mih na ka nongbah ha ka sngi Palei, ka la don ha ka Group-B kaba kynthup lang ïa ka Jammu & Kashmir, Rajasthan, Telangana bad ka Uttar Pradesh.
Te kumta ka Meghalaya kan ïakhun nyngkong eh pyrshah ïa ka Telangana ha ka 2 tarik ha Royal FC Stadium, Jaipur ha ka por 8 baje mynstep.
Na ka liang ka Meghalaya Football Association ka la pynbna ïa ki kyrteng jong ki ‘thei ïalehkai jong kane ka lympung kiba kynthup ïa ka Ba Inangsan Langbnang, Balabet Khongsit, Eiladki Ksoo, Bira Pyngrope, Blessiful Thongni, Dakani Shylla, Darika Rani, Daphishisha Syngkli, Eightfulnes Shangdiar, Ibashongkun Shylla, Lapdianghun Ran, Lishaphulda Khongsit, Naphisabet Jyrwa, Nishalahun Khongnoh, Philasakhi Marngar, Rikynti Lyngkhoi, Wansaphi Marpna, Susimeri Lyngdoh, Yulity T Phanrang, Alisha Lyngdoh, Ibashembha Khongsit, Rimika Khongkai
Ka Meghalaya kan pynkhreh ïa ka jingïakhun kaba ar pyrshah ïa ka Rajasthan ha ka 4 tarik, kumjuh ïa ka Jammu & Kashmir ha ka 6 tarik bad ïa ka Uttar Pradesh ha ka 8 tarik u Risaw.
