New Delhi, Risaw:
U Myntri ka tnat kam bar ri jong ka India, u S. Jaishankar, ha ka Sngi Thohdieng u la iathuh ba ha ka jing iakynduh bad u Secretary of State jong ka United States- u Antony Blinken ha ka Sngi Palei, kam shym don kano-kano ka jingiakren ne jing-iamir jingmut halor ka jingiakynad hapdeng ka India bad ka Canada ha kane ka por.
Hynrei khlem da pynmih eiei shaphang katei ka jingiakynad hapdeng ka India bad ka Canada, ka United States ka la shu ngeit bad pdiang beit ba ka India ka ïadon bynta lang ha ka jingpyniap ia utei u lehnoh hapoh u pud u sam jong ka Canada, kumba la pharep da u Myntri Rangbahduh ka Canada ha ka taiew ba la leit.
