U CEM thymmai
La ïoh jingtip ba yn pyntreikam ïa ka District Council ba thymmai jong ka Jowai naduh ka shitarik u Nohprah 1964. Ïa ki kam jong kane ka Council thymmai, yn pyniaid shwa da u Lat ka Assam, tad haduh ba kin jied da ki MDC thymmai na ka bynta ka jowai. Ki hynñiew ngut ki MDC na Jowai, naduh ka shitarik, kin sangeh long ki dkhot jong ka Council kaba mynta ha Shillong. Kumta da ka jingphiah ïa kane ka District Council ha Shillong, kan long ruh ba yn hap jied da u CEM thymmai, namar u CEM ba mynta u dei na Jowai. Ka Sub-Division Jowai, hapoh ka United Khasi-Jaintia Hills District kan hap noh hapoh ka District Council Jowai. Kane ka jingai District Council ïa ka Jowai, ka long katkum ka jingkubur bad jingai-jingmut jong ka Jarman Commission, kaba la thung ban tohkit shaphang kane da ka sorkar Assam. Ka “Frontier Times”, ka kot khubor phareng na Shillong, ka ong ba la pynhun ïa ka jingthrang jong u paidbah ha Jowai.
[U NONGSAIÑ HIMA (25 tarik Naiwieng, 1964)]
