Karachi, Risaw:
Ka jingbthei kaba jur ka la jia ha Pakistan ha ka jaka mane Muslim kaba don ha ka thaiñ Balochistan ha ka Sngi Thohdieng. Ha kane ka jingjia kumba 54 ngut ki briew ki la ïap bad palat 100 tam ki la mynsaw bad kylla ‘langkñia na katei ka jingbthei katba ki dang leit sha katei ka jaka ban rakhe bad lehkmen ia ka jingdap snem u Prophet Muhammad ha katei ka sngi.
Tang hadien shi kynta pat, la ïohsngew sa kawei pat ka jingbthei ha ka jaka mane Muslim hi kaba don haoph ka thaiñ Khyber Pakhtunkhwa jong ka nongbah Hangu, ha kaba 4 ngut ki la khlad bad 12 tam pat kiba mynsaw.
Ha Mastung, katei ka jingbthei ka long hajan ka Madina Mosque kaba don ha ka surok bah Al Falah Road jong ka distrik Mastung, ha kaba ki paidbah ki dang leit ban ialum lang naka bynta banrakhe ia ka Eid Miladun Nabi.
