Nongstoiñ, Risaw 01
Ka Nongsohpian Sports & Cultural Club ha ka Sngi Saitjaiñ jong ka taïew ka la ïoh ban plie pyrda noh ïa ka lympung ïalehkai ba la tip kum ka 1st Inter Dong Football Tournament 2023 ha kaba ka kynhun ïalehkai jong ka MLP B ka la ïoh jingjop ha katei ka sngi sdang.
Katei ka nam tam bad ka nam jingjop jong ka MLP B ka la wan hadien ba pynliem noh da 2-0 kol ïa ka kynhun ïalehkai jong ka Porshlap Sports Club ha ka jingïalehkai pyrshah kaba la long ha madan Nongsohpian, West Khasi Hills.
Lah ban kdew hangne ba ha katei ka lympung ki don kum ba phra tylli ki kynhun na kylleng ki dong jong katei ka shnong.
Shuh shuh ha katei ka sngi u Bah Lakador Syiem, uba long u Commandant jong ka 4th Bn MLP Sohpian West Khasi Hills District u la long u kongsan ha ka jingdonlang u Sordar ka shnong Nongsohpian u Bah Sirian Wahlang, ki riew rangbah ka shnong ki dkhot ka Nongsohpian Sports Club bad kiwei kiwei.
Ka jingthmu ba hakhmat jong katei ka lympung ïalehkai ïa kaba ka Nongsohpian Sports Club ka la pynlong, ka long ban sei ïa ka sap ka phong jong ki samla ka shnong khamtam ban ïoh ban jied ïa ki samla don sap na ka bynta ban pynkhreh ban leit ïa shim bynta ha ka lympung ïalehkai ka NDSA ka ban sa long shen.
