Shillong, Risaw 01
Ka Meghalaya Sport Climbing and Mountaineering Association (MeSCMA) kan pynlong jingjied ïa ki nongkiew lum ne ka State Level Selection Trial na ka bynta ban ïoh mihkhmat sha ka lympung North East Zone Sport Climbing Competition 2023.
Kane ka jingjied ïa ki nongkiew lum ka ban long ha ka 6 bad 7 tarik mynta u bnai naduh ka por 9 baje mynstep shaneng ha ka Climbing Wall jong ka 58 GTC, Happy Valley, Shillong na ka bynta ka jylla ban mihkhmat ïa ka Meghalaya.
Ha kane ka jingjied, kin don haduh lai tylli ki kyrdan kata ha ka Sub Junior hapdeng ka rta 10 haduh 13 snem (ba la kha hapdeng ka 01-01-2010 haduh 31-12-2013). Ha ka Junior hapdeng ka rta 14 haduh 16 snem (ba la kha hapdeng ka 01-01-2007 haduh 31-12-2009) bad Senior 17 snem (ba la kha hapdeng ka 01-01-2006 bad hashwa).
Na ka bynta kino kino ki jingtip, kito kiba kwah ban ïashim bynta ki lah ban pan jingtip da kaba phone ha kine ki number 7085400617, 700541-7842, 9612431187 bad ka tarik ba khatduh ban register ne pynrung kyrteng kan dei ha ka 4 tarik mynta u bnai hapoh ka 5 baje janmiet.
Kumta la khmih lynti ba kin don bun ngut ki nongïakiew lum ka jylla ki ban sa wan shakhmat ban ïashim bynta.
