Shillong, Risaw 02
Lai ngut ki rangïalehkai jong ka Happy Red Rooster MMA ki la khur ïa ka jingjop ha ka lympung ïalehkai jong ka International MMA Tournament, Apex Combat kaba la long ha Dimapur ha ka 30 tarik u Nailur mynta u snem.
Napdeng ki san ngut ki nongïalehkai kiba la mihkhmat ïa ka Jylla, u Jeff Diengdoh, Gregory F. Sohtun bad u Kedokiteuo Sirie (uba la mihkhmat ha ka sien nyngkong) ki la khur ïa ka jingjop.
U Remy Kharshandi, uba la don jingkyrmen ban jam sha ka jingïakhun final, u la kdiah ka kti bad na ka liang u doktor u la hap ban pynsangeh noh ïa u ban ïai bteng ha ka ban ïalehkai.
“Nga dangthmu ba ngan koit ha ka por kaba biang bad ban ïai pyrkhat ïa ka rai ka jong nga na ka bynta ka jingïakhun kaba khatduh. Hynrei ym don ki ban pynshlur ban bteng biang ban ïalehkai ïa ka final” la ong u Remy Kharshandi u ban hap ban leit shah sumar ha ka 5 tarik mynta u bnai na ka daw ka jingmynsaw ka kti jong u.
Na ka bynta u lahduh ha ka National, u Darren Kharshandi ka dangdei ka sien kaba nyngkong ban ïakhun ha ka professional MMA. Te kumta u Darren u la shah rem noh lyngba ka rai jong ki nongbishar bad kat kum ka kyrwoh la ong ba kane ka pynshaïong ïa ki paidbah nongpeitkai.
Ïa kane ka kynhun la ïalam da ki coach kiba kynthup ïa u Bah Isaiah Kharmawphlang, Reuben Lulam bad u Echwamida O. Phawa.
