Ismailia, Risaw:
Ki bor pyniaid ka Egypt ha ka Sngi Nyngkong ki la pyntip ba 38 ngut ki la mynsaw na ka jingpluh ka shlem treikam ki pulit ha ka nongbah Ismailia jong ka Egypt ha katei ka sngi.
Watlakatta, la ong ba ym shym la don kiba khlad na katei ka jingjia hynrei ki hospital ha katei ka nongbah ki la shah maham lypa ba ki dei ban pynkhreh lada don kano kano ka jingjia ha kine ki kynta ki ban wan.
La ong ba katei ka ding ka la sdang ban pur ha ka por shiteng miet ha katei ka ‘Headquarter’ jong ka Directorate of Security.
Napdeng ki 26 ngut ba mynsaw kiba la pynkynriah sha kawei ka hospital paidbah ha katei hi ka nongbah, 24 ngut ki dei kiba la ngat ia ka jingshitom ring mynsiem bad 2 ngut pat kiba la ing na katei ka jingpluh ha katei ka jingjia.
