Shillong, Risaw 02
Ka synjuk jong ka Meghalaya Cricket Association ka la pynbna ïa ki kyrteng jong ki 15 ngut ki rangïalehkai U-19 lem bad saw ngut kiba shu pynap lypa na ka bynta ka Vinoo Mankad Trophy jong ka BCCI, ka ban sdang mynta u bnai.
Ka jingjied ïa kitei ki rangïa-lehkai ka long kat kum ka jinglah ka jong ki ban ïalehkai bha dangshen ha ka U-19 Boys’ Inter District Tour-nament ba la pynlong da ka MCA.
Te kumta ka Meghalaya kan hap ban pynkhreh ïa ki san tylli ki jingïakhun ki ban long ha Vijayawada, Andhra Pradesh ha kaba kan ïakhun pyrshah ïa ki kynhun kiba khlaiñ bor kum ka Bengal, Uttarakhand, Hyderabad, Delhi bad ka Maharashtra.
Halor kane ka lympung, na ka liang ka MCA kan sdang ïa ka prokram kilanet naduh ka sngi Ba-ar ha Jagiroad kaba ha Assam bad kan kut ha ka 8 tarik. Ha kane kajuh ka sngi kane ka kynhun kan mih ban leit sha katei ka lympung.
Ki kyrteng ki 15 ngut ki rangïalehkai ki long u Shubham Rasaily, Kshitij Singhania, Avinash Rai, Lensbirth N Marak, Rituraj Rabha, Angkit Tamang, Shahin Alome, Shavian Blah, Banialam J. Mylliemngap, Josiah D. Wanñiang, Denikcheng Marak, Dingriko Marak, Bilgrak G Sangma, Charm Marbaniang bad u Da-u-la-biang Shangpliang. Ki rangïalehkai ba la pynap lypa (standby) ki long u Thunun R Marak, Justin Fancon, Ferando BM Sangma bad u Dipankar Barua.
Ki nongïarap jong kane ka kynhun ki long u Sandipan Deb Nath (head coach), Mark A Laloo (assistant coach), Gregory G Syiemlieh (trainer), Hamboy Langbang (physio) bad u Prewindsong Sangma (manager)
Ha kane ka lympung, ka Meghalaya kan pynkhreh ïa ka jingïakhun kaba nyngkong pyrshah ïa ka Bengal ha ka 12 tarik, kumjuh ïa ka Uttarakhand ha ka 14 tarik, Hyderabad ha ka 16 tarik, Delhi ha ka 18 tarik bad ïa ka Maharashtra ha ka 20 tarik mynta u bnai.
