C. B. Iawphniaw
Haba duna ki jaka ai jingsumar kano kano ka thaiñ ka long sahdien tam ha ka liang ka koit ka khiah. Haba phai ha ka jingdon ki jaka sumar kum ki CHC, PHC kiba long ki thied snam ban ai jingsumar ïa kiba pang ba shitom ha kano kano ka thaiñ ne district ka pynpaw ba kata ka thaiñ ka long kaba dang sahdien tam ha ka Jylla. Kum ban pynpaw ka District South West Khasi Hilla ka long ka thaiñ ne ka dong kaba dang sahdien tam eh ban ïa nujor bad kiwei kiwei ki district ka Jylla Meghalaya.
Namar ha South West Khasi Hills ki don tang 5 (san) tylli ki jaka ai jingsumar kiba kham kongsan kiba kynthup ïa ki CHC, PHC bad Hospital hapoh ka district. Hooid, ki don ki Sub Centre ki bym da trei kam haei-haei ruh. Te kane ka District ka shah leh beiñ tam na ki district baroh hapoh ka Jylla. Kumta la kyntu ïa ki bor sorkar lyngba ka tnad ka koit ka khiah ba dei ban kyntiew kyrdan noh ïa ki Sub Centre kiba don ha katei ka district kan ïarap ïa ki paidbah ban ïoh ka jingsumar kaba kham biang kum kiwei kiwei ki District kiba la ioh kham bun ki jaka sumar kum ki CHC & PHC bad kiwei kiwei. Kane ka District ka dang duna shibun ki jaka sumar ban ïa nujor bad kiwei kiwei ki District ka Jylla.
