New Delhi, Risaw:
Ka seng Bharatiya Janata Party ka la dei ban ai 33 per cent ki tiket ha ka ilekshon Lok Sabha 2024 sha ki kynthei ban pynshisha ïa ka jingpynbna ba ka la mang kyrpang na ka bynta jong ki, la ong u heh jong ka Vanchit Bahujan Aghadi u Prakash Ambedkar ha ka lah sngi U Blei.
Ha ka jingai jingkren ha ka jingïalang bad ki nongthoh khubor, u la pynshisha da kaba ong ba ka seng BJP bad RSS kim ju pynïaryngkat ïa ki kynthei bad ki la bud da ki dustur jong ka Manusmriti ha kaba ïadei bad kane.
U la ong ba wat lada la pdiang ban pyntreikam ïa ka aiñ ban mang kyrpang bad ai bhah ïa ki kynthei da 33 per cent ki konstitwensi ha ka jingïakhun ïa ka ilekshon Lok Sabha bad ha ki State Assembly ha Parliament, kan ym pyntreikam ïa ka hashwa u snem 2035. Namar ba kane ka la long ba ka jingbhah kan sa treikam ha kaba ïadei bad ka jingwad khana samari bad ka jingpyntreikam pyrkhing ha ki konstitwensi, la ong u Ambedkar.
