Shillong, Risaw 03
U Atlanta D. Shira na ka Lion’s Den Unisex Fitness Centre Tura u la rah ïa ka nam lahduh jong ka Men’s Body-Building Mr. Meghalaya ha ka State Body Building Championships 2023.
Ïa kane rynsan pyni dohksah la pynlong da ka Meghalaya Body Builders’ Association (MBBA) ha ka 30 tarik u Nailur ha Aurobindo institute, Shillong.
Ha ka Men’s Body-Building haduh jong ka kyrdan ïakop kaba 55 Kg, la rah da u Same Wan Paswet na ka Iconic Strength and Fitness, ïa ka kyrdan ba-ar la ïoh da u John Paul Dapjingshai Langstieh na ka Singer Gym bad ïa ka kyrdan balai la khur da u Rajani Kanta Debbarma na ka Muscle Excess Fitness Gym.
U Bhalang Khongwir na ka Claudia’s Fitness Hub u la khur ïa ka nam lahduh ha ka kyrdan iakop 55-60 Kg, ïa ka kyrdan ba-ar la khur da u Lalremmawia Sangma na ka Synergy Fitness Gym bad balai la ïoh da u Vianycolas Kharbyngar na ka Elite Gym.
Ha ka kyrdan ïakop jong ka 60-65 Kg la rah da u Donbok Sangriang na ka 300 Gym Nongstoiñ, ïa ka kyrdan ba-ar la ïoh da u Banbhabok L. Nongrang na ka The Royal Gym bad ïa ka kyrdan balai la ïoh da u Raj Kumar Saha na ka Lion’s Den Unisex Fitness Centre Tura.
Ha ka kyrdan ïakop jong ka 65-70 Kg la rah da u Vijay Singh na ka Fitorium Gym, ba-ar la ïoh da u John Sangma na ka Synergy Fitness Gym bad ïa ka kyrdan balai la khur da u Mintu Nath na ka Muscle Excess Fitness Gym.
Ha ka 75 Kg shaneng, la rah da u Atlanta D. Shira na ka Lion’s Den Unisex Fitness Centre Tura, ïa ka kyrdan ba-ar la ïoh da u Raj Kumar na ka Power House Gym bad balai la ïoh da u Krishna Thapa na ka Chandan’s Gymnasium.
Ha ka Men’s Master Body-Building la rah da u Rakesh Bhattacharjee na ka Power House Gym, ïa ka kyrdan ba-ar la ïoh da u Vijay Limbu na ka Excel Muscle Gym bad balai da u Krishna Thapa na ka Chandan’s Gymnasium.
Ha ka Men’s Best Physique (Below 165 cm) la jop da u Bhalang Khongwir na ka Claudia’s Fitness Hub, ba-ar u Raj Kumar Saha na ka Lion’s Den Unisex Fitness Centre Tura bad balai la ïoh da u Rehearsal Jones Hynñiewta na ka Franky Calisthenic Fitness Gym.
U Mc Enroe T. Sangma na ka Lion’s Den Unisex Fitness Centre Tura u la khur ïa ka jingjop ha ka Men’s Best Physique (Above 165 Cm), ïa ka kyrdan ba-ar la khur da u Bonjovy Marak na ka Lion’s Den Unisex Fitness Centre Tura bad balai la khur da u Vijay Singh na ka Fitorium Gym.
Haba phai sha ka kyrdan ïakop jong ki kynthei ha kaba ïa ka Best Physique la rah da ka Valentina Basumatary na ka Claudia’s Fitness Hub, ïa ka kyrdan ba-ar la khur da ka Airikmenlang Shabong na ka Fitness Tribe bad ïa ka kyrdan balai la khur da ka Cara Mercia Mlliemgap na ka Claudia’s Fitness Hub.
