Lahore, Risaw:
Ki pulit ka Pakistan ki la pyntip ba kawei ka longkmie ha ryngkat ka khun ba dang 20 snem ki la shah pyniap hapoh ka ïing sah lajong ha ka nongbah Lahore jong ka Pakistan.
Katkum ki khubor ba la ioh lum, kane ka la jia hapoh ka thaiñ karkhana bad ia kitei kiba khlad la ithuh kum ka Shakeela (50 snem) kaba long ka kmie jong ka Alisha, 20 snem ka rta. Ki pulit bad ka kynhun wad bniah ki la leit poi mar-mar sha katei ka jaka tang mar ia ioh jingtip halor katei ka jingjia ha katei ka sngi.
Ki heh pulit ki la iathuh ruh ba ia ka metiap jong kitei ki 2 ngut la lap na ka bynta ba shajrong jong katei ka iing ba ki shong- ki sah.
La shem ruh ia ka kynja tiar kaba nep, ha kaba la ithuh ba ka dei katei ka tiar kaba la pyndonkam ha ka ban pyniap ia kitei ki 2 ngut. Kumta ruh ka tnat pulit ka la rah noh ia katei ka tiar kaba nep ban ioh peit bniah bad ban wad bniah haba iadei bad katei ka jingjia.
