C. B. Iawphniaw
Ka jingthmu ka sorkar India ban pynlong ha kajuh ka por ïa ka Elekshon ha Parliament (LOK SABHA) ne MP bad ha ka Assembly ka Jylla (MLA) ka long kaba dei ban ïaroh. Namar kan duna ka jinglut jingsep ïa ka pisa ha ka por elekshon. Namar la bun tang ki elekshon ka jinglut ka long kaba bun phew klur. Kumta kane ka jingwanrah ban pynlong elekshon kawei ka ri, kawei ka elekshon ka long kaba donkam palat. Kane ka jingpynkylla ïa ka rukom pynlong elekshon ka long kaba bha tam bad kaba paka tam hapoh ka ri. Haba phai ha ki liang pyrshah lei lei kim ju pdiang ne sngewtynnad ïa kaba bha lano lano ruh. Kum ban shu shim nuksa ïa u khaw lai uba bha kim ju ong uba bha ki ong ba u dei u khaw plastic.Kane ka long ka rukom jong ki seng liang pyrshah hapoh ka ri India jongngi. Kumta nai pynsngap ïa ka jingwohdong wohnia ki seng liang pyrshah na ka bynta ka jingbha ka ri shi tyllup. Kane ka long ka jing-iohi jongngi kum ki riew paidbah haba ïa dei bad kane ka elekshon, kawei ka ri kawei ka elekshon.
