Dr. Boss L. Marthong
New Nongstoiñ
Katkum ka jingïathuh khana pateng ki riewtymmen ki Khasi kim ju tip ne bna ïa kata ka kyrteng BHARAT naduh mynno mynno. Ki Khasi naduh ki por barim ba jah ki la ju don ka jingïakhaïi da kaba ïa plie ïa ki tiar ne ki mar jong ki bad ki jaidbynriew Dkhar kiba dei ki para marjan jongngi kata bad ki Khar Assamia (Assamese) bad ki khar Shilot (khar Sylhet) mynta Bangladesh. Ha kito ki por ym pat don ki pisa kumba long mynta, ki Khasi ki la long kiba tbit bad khlaiñ bha ha ka kam sain nar bad kila ïa plie ïa ka nar bad kiwei pat ki jaidbynriew dkhar ba marjan bad ki la ioh kamai bha ha kane ka kam, ki dang don ki sakhi ki satar ba tikna ban pynshisha ïa ka kam sain nar ki riew hyndai ha ri Khasi- Jaiñtia. Ngi shem ha bun ki jaka ïa ka jingdon shibun ki maw eit nar ba la sain ba long rong ïong kiba rit barit bad ithuh bha ba ki dei ki maw eit nar hyndai. Ki Khasi mynshuwa ki la tip bad pyndonkam ïa ka pisa tang hadien ba la wan ki phareng ban synshar ïa ka Ri Khasi -Jaiñtia, ki phareng ki la wanrah da ka pisa ba la dep shna kiba don ia ka dur jong ki Syiem Bilat bad ki Khasi ki sa nang ban pyndonkam ïa ka pisa ha ka khaïi ka pateng ka ïa dei ïa thied ïa ki tiar bad marbam, ka Sorkar India mynta imat ka don jingthmu ban pynkylla kyrteng noh ïa ka ri India sha ka BHARAT kane ka kyrteng BHARAT ha ngi ki paid Khasi – Jaiñtia kiba bun kim da sngew ïahap ha ka ktien ki Nongmawiang hapoh ka Hima Mawiang BHARAT kamut kaba la sniew ne ka bym long shuh ne bym bha shuh bad ka kyrteng India hi ka la kham longdoh longsnam bad ngi ki Khasi wat la ngi la kylla long nong India tang naduh snem 1947 – 1948 ha kaba ka Hima Nongstoiñ ka la pynïasoh khatduh bad ka India. Ha Baibl ka don ka kyrteng India kaba la palat Ar hajar snem mynta phin shem ha ka Kitab ka Ester Lynnong 8 (phra) kaba ong, “Ki nongsynshar bad ki Rangbah jong ki shynat kiba long naduh Ri India haduh ri Ethiopia lada pynkylla BHARAT ïa ka India hap pynkylla ïa ka pisa ruh namar ha ka pisa ka don dak Reserve Bank of India kan kylla noh RESERVE Bank Of BHARAT kan don ka jingktah.
