Washington, Risaw:
Ki bor pyniaid ka Baltimore ha ka miet Sngi Ba-ar, ki la iathuh ba don 5 ngut kiba la mynsaw na ka jingjia synreit kuli hapoh ka skulbah kaba don sha ka phang Mihngi jong ka nongbah Baltimore jong ka United States.
U heh ka tnat pulit jong ka Baltimore u la iathuh ba katei ka jingjia ka la jia ha ka phyllaw jong ka Black University Morgan State ha ka por kumba 9:25.
Ki heh ka BPD ki la pyntikna ba kane ka jingjia kam long shuh kaba ap jingma ia ki paidbah hynrei la bthah ia ki paidbah ba kin kiar na ka jingleit sha katei ka thaiñ khnang ban lait na kino- kino ki jingma.
Kitei ki 5 ngut kiba la mynsaw baroh ki kynthup naduh ki 18 snem haduh 22 snem ka rta. Hynrei la ong ba ym shym la don kiba mynsaw jur ne kiba ap jingma ka jingim namar ka jingmynsaw jongki ka long na ki bynta ki bym ktah ia ka jingim.
La iathuh ruh ba 4 ngut napdeng jong kitei kiba mynsaw, ki dei hi ki khynnah pule jong katei ka skulbah.
Tat haduh jong ka step Sngi Balang, ki pulit kim pat shym la ioh kem ïano- ïano ruh kiba don kti ha katei ka jingsiat.
Kumta, la pynsangeh noh ruh ia ka jingpule ha katei ka Sngi Balang ha katei ka skulbah.
