C. B. Iawphniaw
Ka VPP ka dei ka seng saiñ hima sima bathymmai kaba don bun ki briew ba stad bad kiba shemphang. Kumno pat ki shim kabu ban pynshlur ïa ki paidbah ban pynrwai ïa ka jingrwai. Ha u Prah’ kane ka dei ka jingrwai ka seng saiñ hima sima ne ka seng saiñ pyrthei. Ka bym sngew ïahap ban pynrwai ha ki skul ki bym don bynta ei ei ha ka saiñ pyrthei. Kane ka jingleh ka pyni ba ka VPP ka kwah eh ban pynpaw ia ka seng kumba pynrwai ieit Ri. Kane kam dei ka jingrwai ieit Ri. Ka dei ka jingrwai jong ka seng saiñ pyrthei. Dei tang ha ka por kanbas elekshon dei ban pyntem bad pynrwai ïaka, ym ban pynrwai ha ki sngi burom ïa ki nonghikai ne kum ha Republic Day Independent Day bad kiwei kiwei. Ka VPP ka la leh bakla halor kane ka jingphah rwai ha ka sngi burom ïa ki nonghikai ne ka Teacher Day ha ki skul sorkar ka bym ïahap namar ka dei ka jing-rwai seng saiñ pyrthei. Kane ka long ka jingshisha, namar lada thaw jingrwai sa kiwei kiwei ki seng saiñ pyrthei kumno kan ktah ban pynrai ha ki sngi burom ïa ki riewkhraw kiba dei ban ai burom.
