U Nongsaiñ Hima,1983
Dei tang ha ka thoh pule kaba don ka nongrim kaba skhem, ka shong ka jingshngain bad jingkyrmen ka lawei jong kano kano ka jaidbynriew, ong u Burke. Une u riewstad u ong ba ka Thoh ka Pule ka long ka stieh kaba bha eh ïa ka jaidbynriew. Kumta ka jingthmu jong ka ka Thoh ka Pule ka long ban pynkylla ïa ka jingmut briew sha ka umpohliew ba ïai kyrsoi ym sha ka jaka pyndap um ha kaba la shu pyndap bad sa theh noh ïa ka.
Kumta lah ban ong ba ka skul kaba bha bad banyng-kong tam dei ka ïing ka sem kaba long ka jingbuh U Blei ban hikai skul ïa kiba dangrit, bad ka ïing ka long kumba ka kmie u kpa ki kwah ba kata ka ïing kan long. Kane ka long ka jingshisha kaba ym lah ban len. Ka ïing ka sem ka long ka shlem bad ka long ruh ka skul bah ïa u khynnah ha kaba u hikai bad bud nuksa, dei ha kane ka rta ba ka jingmut jingpyrkhat jong u ka long kaba lah ban shim dur kloi bad wei ba ka la shim dur shisien, ka sah sah. U khynnah um lah ban pynleit ïa la ka sngi ki ïa tang ha rympei ïing. La dei ban phah ïa u sha skul bad u sdang ïa ka jingim jong u na ka Lowe Primary. Dei hangne ruh ba ka Lower Primary skul ka long ka ‘per syntiew kaba itynnad tam kaba donkam tam ban pynsan ïa kine ki syntiew rit ba kin san ba kan phuh ynda la dei ïa ka por. Ka bynta jong ka Lower Primary skul ka long kaba donkam eh bad ka donkam ka jingkitkhia kaba khraw na ka liang ka sorkar. Peit kein ka jingkitkhlieh kaba jur ka hap sha ki kmie ki kpa bad kumjuh ruh sha ki nonghikai, hato ki skul jong ngi bad ki ïing ki long ma kita ki jaka kiba don ka nongrim kaba skhem khnang ba kine ki khynnah kin long ka jingshngain bad ka stieh jong ka jaidbynriew ?To ngin ia shong pyrkhat khyn-diat, ym tang ki kmie ki kpa, hynrei kito ruh kiba kit ïa ka lyngkor ka ri la dei ne em ban kitkhia ïa kine ki ‘per sara jong ka jingim ?
